Соопштенија

Словенечки компании од земјоделско прехранбениот сектор се заинтересирани да инвестираат во македонскиот рурален развој. Ова е новината од вчераодржаните билатерални средби меѓу претсатвници на компаниите од агроиндустрискиот сектор на Република Македонија и Репблика Словенија, во рамки на бизнис форумот кој се одржа во Љубљана, Република Словенија. Форумот беше дел од агендата на македонската бизнис делегација која ја предводеше министерот за земјоделство, шумарство и водостопанство Љупчо Димовски.

Со денешната средба на министерот Димовски со претсатвници од саемот во Горна Радгоња, заврши тридневната посета на македонската бизнис делегација, во чии рамки беа одржани голем број средби на македонски и словенечки компании од земјоделско-прехранбениот сектор.

Работната верзија на Предлог - Законот за квалитет на земјоделски производи. Се повикуваат сите заинтересирани страни да го дискутираат текстот на предлог законот и да дадат свој конкструктивен придонес во донесувањето на добар закон за земјоделските производи.

Контакт:

Биљана Талеска
[email protected]

Додаток за превземање: 

Предлог закон за квалитет на земјоделски производи

Министерството за земјоделство, шумарство и водостопанство денеска распиша јавен оглас за давање под закуп 179 хектари државно земјоделско земјиште во Гевгелиско.

Земјиштето се издава за подигање маслинарници на период од 50 години, а максималната површина за кој може да аплицира и да добие еден понудувач е 10 хектари.

Радува фактот што во нашава земја постојат и преработувачки капацитетеи и земјоделско производство кои што се извозно ориентирани и ги исполнуваат строгите европските стандардите.Како добар пример е и овој земјоделски капацитет истакна министерот за земјоделство,шумарство и водостопанство Љупчо Димовски при посетата на ,,Рудине ММ,, во Делчево.

При посетата на овој млекопреработувачки капацитет министерот Димовски со менаџерскиот тим беше разговарано и за повеќе актуелни теми во млекопроизводството и во овоштарството.

На новинарско прашање,зошто има малку апликации за финансиските средства од ИПАРД Програмата од делчевскиот регион,министерот посочи дека иако е завршен првиот оглас,министерството продолжува со информативните трибини и со едукација на теренот со цел да им се помогне на земјоделците кои сакаат да инвестираат во модернизација на сопственото производство.Тие активности ќе бидат интензивирани во регионите каде што по првиот оглас одзивот беше послаб

Продолжија работните средби  на министерот Љупчо Димовски со производителите на јаболка од Преспа. По денешната средба, овоштарите  изразија задоволство од решенијата кои што беа понудени од страна на ресорното Министерство за земјоделство за  решавање на проблемот со пласманот со јаболкото, односно со измената на Програмата за субвенционирање за годинава. Во неа, како што и беше побарано од страна на земјоделците зголемен е износот на поддршката за оваа категорија овоштари. Со нејзината пренамена тие наместо 18, за одршување на насадите ќе добијат по 42.700 денари за хектар.